رجلاش فرامل اليد هوندا 1997

اصحابى مساء الفل على اصحاب المقام الرفيع تحية طيبة وكل عام وانتم طيبين
بعد اى شغل فى الطنابير او التيل للفردتين اللى ورا
لازم تراجع على مستوى فرامل اليد
طيب الموضوع سهل ولا صعب
الموضوع باذن الله سهل جدا
المفروض ان فرامل اليد تقفل او توقف العجل الخلفى بعد من 6 الى 9 تكات "الصوت اللى بيطلع لما بنشد فرامل اليد لفوق"

طيب هنبتدى اول شئ هنفك الكنصولة اللى فى النص
وهى بالظبط مربوطة ب4 مسامير "كروس + "
وبعدين نفك الصامولة المسؤالة عن مستوى فراميل اليد "Adjusting Nut"
ندوس على دواست الفرامل كذا مرة "انا افضل ان العربية تكون دايرة فى الخطوة دى"
ارفع العربية من ورا "خطوة دى رغم اهميتها انا مش هقدر اعملها علشان معنديش كوريك تمساحة"
ارفع فرامل اليد تكة واحدة بس وابدا اربط الصامولة المسؤلة عن فرامل اليد "Adjusting Nut"
نزل الفرامل وحاول تلف العجل بايدك المفروض انه يلف بشكل حر تماما وانه يقف نهائى اذا رفعنا اليد على الاخر واللى هى من 6 الى 9 تكات
رجع الكنصول واربط مساميرك واطلع جرب